عندي وحده قريبه مني كنت متهاوش معاها من زمان
ولي يومكم مابينا اتصال ولا شي
شبه انقطعت العلاقات
وايد هابه تييني بالليل
بس باحلامي
وكل يوم تيي بشكل
مره اتيي بتراضيني
ومره بس جذي ماكو سالفه
ومره جنها بتقول لي شي بس ما يمديها تقوله
ومره تبين لي انها ماتبيني بس اسمعها تقول للناس ابيه بس ما اقدر اقول له
..
صج البنات عليهم هالسوالف
بداخلها شي بس ما تبينه
يعني عزيزة نفس
!!
امس يتني بالحلم ويابتلي ورده حمره
اكثر شي ونسني اني قدرت اقول لها انها حماره
شلون ياها قلب تزعل علي كل هالمده
..
12 comments:
صباح\مساء الخير :)
الحاله اللي مار فيها اعرفها شووف واحده من الثنين :
1-انت تفكر فيها وااايد و و مسيطره على تفكيرك فعقلك الباطن ترجمها باحلامك!!!؟
2-ان اهي يمكن صج اتفكر فيك، صج ساعات تلقى نفسك تفكر بشخص وهو بالمقابل يفكر فيك .. ومادام الكل يفكر بالثاني روح راضيها :)
------
زين سويت وما الغيت المدونه
تبي ناس اتزورك!؟
اول شووي لازم انت تزور المدونات الثانيه وتعلق عندها لما اشووي اشووي تبدي تنعرف لان بمرورك وتعليق صاحب المدونه اللي علقت عنده بيزورك
واللي يزروونه بيزرونك والخ
miss.hope
واسفه عالاطاله
miss.hope
مساء الخير :)
شوفي ما انكر انها دايما تطري فبالي واتذكرها باكثر الاوقات فأكيد هذا سبب رئيسي لوجودها باحلامي
اما من ناحية انها تفكر فيني فما ادري والله بس اللي احسه لأ
مونوعها تتحسف على احد
او والله مادري يمكن تتغير هالفكره معاي
فكرة اني اراضيها الحين غير وارده
الوقت اللي كنت براضيها فيه ما لقيتها متحمسه
بخليها للقدر
كافي انا نذكر بعض بالخير
---------
مالغيت المدونه بناءا على طلبج
:)
ومابي ازور احد
مرتاح جذي بعيد عن الاوادم
miss.hope
واخذي راحتج بالكومنتات
اصلا ماكو غيرج يعلق
:)
خلني اقول لك شغله:انت مو قلت ان البنات عليهم حركات واللي بداخلها ماتبينه ترا هالمقوله عدل!!؟
فانا اقول راضيها لانك يمكن الوقت اللي راضيتها فيه كنتم توكم طالعين من المشكله والبنت ترا مو بسرعه تنسى!؟
والشغله ثانيه يمكن اهي عطت وعطت وااايد بالفتره اللي كنتم فيها على علاقه عشان جذي تبيك انت اتبادر و تراضيها وصدقني يمكن لي الحين اتفكر فيك بس البنات عليهم حركات :)
ادري بتستغرب ليش اني مصره انك اتراضيها بس عشان بعدين مع الوقت مااتحسف وحتى لو ماصار شي ومارديتوا لبعض تدري انك ماضيعت ولا فرصه وعشان ماتقعد تقول جان زين راضيتها و لو مراضيها الخ والله مو اصراري هذا الا لانه الفراق عوار قلب :(
miss.hope
صدقيني ماكو فايده
انا حاولت اكثر من مره وبفترات متباعده
من غير فايده
!!
في اسباب تمنعني انا معاها من انه نرد مثل اول
مع انه كنا اكثر من ربع
في ناس ماراح تهدا اذا درو بهالشي
وفي ناس استغلو اللي صار بيننا لصالحهم طبعا
واهيا هم ساعدتهم وايد انهم يحققون اللي يبونه
---------
انا اعرفها عدل صدقيني
ادري انها متحسفه علي
بس مرتاحه واهيا بعيده
---------
انا ما راح افهم البنات كثرج
اذا عندج طريقه مناسبه
قوليلي
:)
وانا اذا حسيت انه يه الوقت المناسب اللي اكلمها فيه ماراح اتأخر
شرط اشوف مبادره منها بالأول
!!
---------
:)
قصتكم قصه!!؟
والله ما ادري شقول لك و لا اقدر احكم اكثر لاني مو عارفه شي!؟
شلون مرتاحه و اهي بعيده!؟\شووف اما ان اهي تدري ان علاقتكم ما راح تووصلكم لمرسى او ان استمرار العلاقه بزيد المشاكل اللي بينكم صدقني لان صعب على اي وحده تنهي العلاقه الا اذا في اسباب مقنعه،،او يمكن اتعدها تجربه و انتهت والله ماادري ودي اتردون للبعض بس احس في امور وايد معقده بس بحاول كثر مااقدر افيدك!؟
انا بعرف انتوا الريايل ليش اتكابروون؟
لييييش لازم كل المراه اتبادر والله هالشغله متعبتني نفسيا
اذا انت اتبيها اتبادر و اهي تنطرك تبادر ماعمرها ردت العلاقه اللي بينكم:\
اي خدمه اخووي نصيحه مني مناك انا حاضره :)
والله يكتب لكم الي فيه الخير
miss.hope
الحين منو اللي مقصر بالثاني الله يهداج
خلج حقانيه
انا مبادر 6 مرات تقريبا
خل تبادر مره وحده شخسرانه
وبعدين انتي معاي والا علي
:)
عموما حسيت انج محتاجتلي اكثر من ما انا محتاجج
:)
وعشان اريحج
باجر راح اتصل عليها واشوف شآخرتها
بس راح تكون المره الاخيره
مو تقوليين
راح اطيعج هالمره بس
:)
لا بالعكس حقانيه ولما قلت انكم ماتبادرون ماقصدتك انت بالذات قاعده اتكلم عن العموم...ماشاءالله 6 مرات ومعقوله اهي ولا مره!؟
يبا والله معاك بس ماكنت ادري ان كل انت اللي اتبادر!؟
شلون يعني انا محتاجتلك اكثر من ما انت محتاجلي!!!!!!!؟ فسر
وي وي لحظه لا توهقني مو اذا اتصلت وصار شي اتقط السبه على راسي
بس ميخالف اتصل واذا ما صار انا بقوول لك خلاص لا تتصل
عاد بلغني باخر المستجدات بنتظر ردت فعلها وان شاااااااااااء الله ايطيح الحطب وتردون مثل ما كنتواو احسن بعد قوووول اميييين :)
miss.hope
انتي تقولين سالفة التغلي متعبتج نفسيا
قلت واعليه اكيد على ما يقولون باب النجار
!!!!!
:)
--------
مع اني ما اعتقد ان الوقت مناسب بس اهي اخر محاوله
عشان افتك من هالسالفه
ولو اني مستانس من الوضع
حياتي صاير فيها اكشن شويه بسبتها
--------
حتى اذا ما ردت راح اعتبرها النهايه
حسبي الله على بليسك ضحكتني على سالفة النجار....لووووول
لا مو شرط بس هذا الشغله واايد ملحظتها فيكم ما علينا ..المهم اذا حاااس ان الوقت مو مناسب لا تبادر وتعب نفسك اصبر الصبر ززيين ومتى ما حسيت ان يه الوقت راضها بس عاد مو معناته ان كل شووي تأجل وطوول السالفه
من ناحية اكشن اي حددده اكشن
اوكي تعتبرها النهاية بس قلبك بيعتبرها النهايه!!!؟
-------
اهم شي ان محده يعلق بس انا وناسه الواحد ياخذ راحته:)
miss.hope
!!لا تحسبنين على ابليسي ما ارضى
:$
بصراحه توني امس حلمان فيها بعد
اذتني هالبنيه غربل الله ابليسها
على فكره ترى اللي بينا مو علاقه من اللي فبالج
احنا ربع بس من نوع فريد
وبينا عوامل مشتركه واهتماماتنا متشابهه
نحب نكلم بعض نحب نكون قراب من بعض ونحب ناكل مع بعض وهذا اهم شي بالنسبه لنا
:)
الحين وانا قاعد اكتب الكومنت حسيت اني اشتقت لها بس هم مابي يصير اي شي على الاقل الحين
بخليها مع الوقت
ما تدرين يمكن نلتقي صدفه وتتغير هالفكره عندنا
:)
!!صج مافي الا انتي ويا خوفي تطلعين انتي اهي
postتوقعت ترجع بـــ
لالالا حلمان بعد؟؟؟
حالتك صعبه...بسك تفكير حدها ماخذه كل بالك ادري صعب توقف التفكير بس حاول تلهي نفسك بامور ثانيه
صراحه شي حلوو اللي بينكم واتوقع ماانهد الا على سبب كبير ... قليل في ناس الحين علاقتهم جذي صافيه مع بعض
سبحان الله نفس ماالدنيا اتيمع اتفرق بعد
:( ترا هالجمله اتعور القلب
اكيييد اهي بعد مشتاقتلك... مصير الحي يتلاقى ،فمادام اللي بينكم خير خل الايام اتعدي على الذكريات الحلو اللي بينكم...ولا يصير شي في وقت مو محسووب ويمسح كل هالذكريات..فعلى قولتك خلها للصدف
----
لا والله مو اهي و لا اعرفها حتى.. اتمنى انها تقرا شنو كاتب عشان اتعرف معزتها
اعذرني اذا الكومنت مافي ترابط افكار او بدليات حدددي دايخه
miss.hope
بس خلاص ماعاد القلب مثل اول
كلها احلام
ما تأخر ولا تجدم
اهيا فوتت على نفسها اخر فرصه
يالله مو حسافه
يا ليتني ماطعتج
:)
Post a Comment